Ibilian egiten da bidea
Gizarte parekide baten bidean aurrera egiteko topagune gisa jaio zen etxea, eta bidelagun pila bat izan ditu alboan ateak zabaldu orduko. Eskerrik asko guztioi.
Egitarau propio baten sorrerarekin gure helburuak betetzen jarraitu nahi dugu: etxe propio bat izatea ikasteko; sareak sortzeko; aholkularitza jasotzeko; indarkeria matxistarik gabeko elkarbizitza sustatzeko; emakumeon* ahalduntzea eta partaidetza lantzeko; ikuspegi feministatik eztabaida, gogoeta eta aldaketa pizteko.
Zatoz.
IBILBIDEA
Zumaiako Emakumeon* Etxea eraikitzeko elkartea sortu genuen lehenbizi, eta 250 bazkide baino gehiago gara dagoeneko. Etxea diseinatzeko bilera irekiak egin genituen, eta geroztik asanbladetan hartu dira haren inguruko erabakiak. 2021eko irailean ireki zen Zumaiako Emakumeon* Etxea, eta ordutik emakume* askoren lanari esker martxan dago.
ESKAINTZA
Emakumeon* Etxeaan egitarau zabala antolatzen da. Alde batetik jabetze eskola dago, emakumeon* ahalduntzea helburu duen egitasmoa. Bestetik, elkarguneak ditugu, urte osoan zehar iraunkorrak diren taldeak. Horrez gain, agenda zabal bat eskaintzen dugu, era guztietako ekintzez osatuta. Eta eskola feminista ere badugu martxan, hilabetero femismoaren arloan formatzeko balioko digun espazioa. Hainbat aholkularitza zerbitzu ere eskaintzen ditugu.
Zumaiako Emakumeon* Etxeko antolakuntza eta funtzionamendu araudia ezagutu eta txostena irakurri nahi baduzu, klik egin ondorengo botoian.
Gero eta gehiago gara!
Elkartearen parte izan nahi baduzu, jarri gurekin harremanetan.
